طموح شاعر 2014

طموح شاعر 2014

كانت يوما بين تفاصيل يومي ..كنت امطرها حبا وهكذا كانت ..

اختفت ..وبين الامس واليوم فارق كبير ..

......................





طموح الشاعر احيانا يسافر به ويقفي به ..

مثل مااقفت بي اللي كل مافيها يذوبني ..



شبيهة غيم واحساسي هي اللي وحدها جتبه ..

حكاياها على كف الشفق دايم تعلقني ..



رسمت اغلب صور عمري مثل ماترسم النكبه..

عدا صورة هذيك اللي تجي تلعب وترسمني..



تقول اني كسرت بحكي شعري رهبة الغربه..

واقول لحكيها الفاتن دخيل اهلك كذا دعني ..



الا ياليلها الهادي ترى حال الشعر صعبه ..

اذا زارت بيوتي كن بيتي مايعاندني ..



يجيني مثل ماياتي خيام البدو ابو عصبه..

تقول ان الشعر فيها لاجل ترضى يساعدني..



مساء الورد يانظره تشابه حدة الحربه ..

مساء الحب ياحكي الغرام اللي يجنني ..



خذيني والله اني من وله صدري معي طربه..

خذيني قبل مادمع الغياب اصلا يجاريني ..



فقدت الحب بغيابك وكاسك مد لي شربه..

دخيل الليل من عقبك وش اللي به يسليني ..











فوقية -حرف