هل يجوز قتلهم 2014

هل يجوز قتلهم 2014

مساءكم \ صباحكم جميل مثلي :51:

كيفكم :)؟

زمان ماطرحت مواضيع الخلايا السودانيه متمكنه مني :77:

المهم ندخل بالموضوع :23: ترى العنوان ماادري اذا ينفع بس مافيني افكر بعنوان مناسب :) < سودانيه بقوه :66:

موضوع النهار ده < الحين يقولون مصريه :58:

مو عن الي يمثلو انهم صريحين ويجرحو الناس بوقاحتهم ولا الناصحين بأسلوب قاسي لا لا انا بتكلم عن نوعيه من الناس ماادري وش اسميهم بصراحه :)

نوع ماينصحك كمحبه او اخوه لا ..

هالنوع لما تكون لوحدك معه عسل معك ويحبك ولايقولك بصراحه اذا فيك عيوب او ينصحك لكن ينتقدك ويطلع عيوبك قدام الناس ..

رح اذكر بعض الامثله صارت معي شخصيا ومن فتره قريبه :57: ..

وحده قريبه امي عمرها تقريبا 22 سنه

هالبنت ماادري شتحس فيه لما تكون معي تسولف وتضحك وتموت علي بس اول مايجو البنات ونجلس كلنا سوا تبدأ تنتقدني :48:

انا انقطعت عن قرايبنا حوالي سنه ماشفت البنات ورحت عرس على اساس اني كاشخه وكذا :)

والبنات لما شافوني احضان وبوس وتعرفو حنا البنات نفرح بعض بالكلام الحلو ( وش هالزين وش هالكشخه طالعه قمر والخ )

البنت جت قدام البنات قالت لي : تدرين احلا مافيك الشوز حقك بس ! ..

معليش حتى لو اكون شينه ومااعرف اكشخ وابيخ وحده في البشريه مايحق لك تقولي كذا قدام البنات :)

انا مااهتميت قلت لها هذا من ذوقك وخليتها :) ..



وقبل اسبوع رحنا جمعه بنات وجت جنبي تسولف معي وحشتيني وش مسويه وسألتني عن حسابي بالانستقرام ووريتها اياه وقالت حلوه الصور حقك وخلاص سكتنا ..

لما جو البنات وكلنا جالسين بدت تنتقدني قالت وش ذا ياكلير شفيك شكلك كذا نحفتي مو مثل اول شكلك صار بايخ وجسمك مو حلو ..

انا تفاجأت من اسلوبها وكلامها عيوني كذا :6:

نرفزتني ودي امردغها لكن امي بتزعل قريبتها :57: ..

بس قلت لها لتكوني زوجي وانا مدري :60:..

وطالعت البنات تقول شفتو كلير صفحتها كلها من قوقل ماتعرف تصور < والمصيبه شايفه بعينها ان كل الصور تصويري وقلت لها قبل :) .. وتدرون هي ماتعرف تطبخ وماتعرف تسوي ووو ..

والمضحك ان كل كلامها كذب والبنات عارفين وطنشوها وهي ماتكتفي بهالشي حتى عند الحريم تنتقدني مادري وش تبي توصل له ..



اوك تشوفي فيني عيوب تعالي انصحيني بيني وبينك لما نكون لحالنا بدال النفاق وتمثلي انك تحبيني صارحيني ! اسأليني ! ..

لكن هالحركات الوصخه تبي تفشليني قدام الناس ماتمشي معي :136:..

بنت عمي عصبت قالت ليه ماتردي عليها ؟

قلت لها وليه ارد على بقره ؟ خليها تنبح شوفي البنات طنشوها وهالحلا الي تاكله قدامي صنع يدي :) فليش ابرر لوحده مريضه ؟

اقدر ارد عليها واحرجها وافشلها بس عشان امي اسكت ..

مع هذا لما رجعنا البيت كلمت امي بيني وبينها وقلت لها ياامي قريبتك ذي فاقعه كبدي ومرارتي انا اطنشها عشانك ولان قريباتنا عارفاتني عدل مايحتاج ارد عليها لكن بكره لما نكون مع اناس غريبين عنا وتبي تفشلني قدامهم ترى بدوس ببطنها :57: ..

ممكن تكون امور تافهه لكنها منرفزه ..

والمضحك هالنوع ينتقدك على شكلك او لبسك او اسلوبك قدام الناس وتلقاه من وراك يقلدك فيه ممكن نلجأ للتطنيش لكن الشي لازاد عن حده ينرفز ويقهر ..

وهذا ليس فقط بهالحياه الشخصيه حتى في المنتديات وعالم النت ممكن تلقو هالنوع بعض الاشخاص صديقك ويحبك لكن قدام الاخرين ينتقدك ويحش فيك ويطلع عيوبك ..

برايكم وش الحل مع هالاشكال وكيف تتصرفو معهم ؟ :)

الي مرو بهالاشكال يذكر لنا موقفه وكيف تصرف معه ؟ :77:



اترك المايك لكم :55:

وشفط جماعي :26: :)